Taur Estuda Estrutura Kintu Governu: “Kestiaona Ministru Defeza”

.

Jornal Timor Post - Tersa-Feira, 07 Agustu 2012

Prezidenti Republika Taur Matan Ruak sei estuda estrutura Kintu Governu Konstitusional ne’ebe hato’o ona husi Bloku Governu Koligasaun.

Primeiru Ministru Indizitadu, xanana Gusmao dehan ba Jornalista sira iha Palasiu Prezidenti Republika, Bairu-Pite, Segunda (06/8) wainhira hamutuk ho Prezidenti Partidu Demokratiku (PD) La sama no Prezidenti Partidu FM Jose Luis Guterres hodi aprejenta estrutura V Governu konstitusional ba Taur Matan Ruak.

Xanana dehan, Kintu Governu Konstitusional ne’ebe maka forma husi Partidu CNRT, PD no FM atu hadiak no kontinua de’it servisu ne’ebe maka hala’o tiha ona iha kuartu Governu Konstitusional, liu-liu atu implementa PEDN.

Entertantu, fonte kredivel husi palasiu Prezidenti Republika ba Timor Post hodi kalan katak, Jeralmente Prezidenti Taur Matan Ruak konkorda ho estrutura membru governu, maibe, nia kestiaona oituan maka koloka ema ba pozisaun ladun tuir abilidade, ezemplu mak Minstru defesa e Seguransa.

Maibe, nia dehan, fonte ne’e hatutan, importante maka prezidenti Republika husu ba Ministru no Sekretariu Estadu sira atu servisu ho laran ba rai ida ne’e hodi nune’e alkansa objetivu dezenvolvimentu.

.